ஆரணியில் விசிகவினா் மறியல், காவல் நிலையம் முற்றுகை!
ஆரணியில் விசிகவினா் மறியல், காவல் நிலையம் முற்றுகை!
ஆரணி நகர காவல் நிலையத்தை
விசிகவினா் முற்றுகையிட்டதால் பாதுகாப்புக்காக போலீஸாா் குவிக்கப்பட்டுள்ளனர்
திருவண்ணாமலை மாவட்டம், ஆரணியில் விசிக மாவட்டச் செயலா் கைது செய்யப்பட்டதைக் கண்டித்து அந்தக் கட்சியினா் சாலை மறியலில் ஈடுபட்டனா். மேலும் சிலா்
நகர காவல் நிலையத்தை முற்றுகையிட்டதால் பெரும் பரபரப்பு நிலவுகிறது.
ஆரணியில் விடுதலைச் சிறுத்தைகள் கட்சியின் அலுவலகம் அருகே சின்னக்கண்ணு என்பவா் ஜெராக்ஸ் கடை நடத்தி வருகிறாா். இவருக்கும், விசிகவினருக்கும்
இடையே திடீா் தகராறு ஏற்பட்டது.
இதனால் சின்னக்கண்ணு விசிக மாவட்டச் செயலா் ம.கு.பாஸ்கரன் மீது நகர காவல் நிலையத்தில் புகாா் கொடுத்தாா்.
இதைத் தொடா்ந்து, சின்னக்கண்ணு மீது ம.கு.பாஸ்கரனும் புகாா் கொடுத்தாா். மேலும், புகாரை வன்கொடுமை தடுப்புச் சட்டத்தின் கீழ் பதிவு செய்யக் கோரி காவல் உதவி ஆய்வாளா் கிருஷ்ணமூா்த்தியிடம் வலியுறுத்தியதாகத் தெரிகிறது. இதற்கு கிருஷ்ணமூா்த்தி மறுப்பு தெரிவித்ததாகக் கூறப்படுகிறது.
இதனால், அவா்களுக்கு இடையே வாக்குவாதம் ஏற்பட்டதை யாரோ சிலா் கைப்பேசியில் வீடியோ பதிவு செய்து வைரலாக்கியுள்ளனா்.
இதன் காரணமாக சனிக்கிழமை நள்ளிரவில் மாவட்ட காவல் கண்காணிப்பாளா் (பொறுப்பு) ராஜேஷ்கண்ணன் தலைமையிலான போலீஸாா் சென்று விசிக மாவட்டச் செயலா் ம.கு.பாஸ்கரனை கைது செய்தனா்.
இந்த நிலையில், ஞாயிற்றுக்கிழமை காலை இதனை அறிந்த விசிகவினா் மணிக்கூண்டு அருகில் ஆா்ப்பாட்டம் நடத்தி மறியலில் ஈடுபட்டனா். தகவல் அறிந்த போலீஸாா் சென்று சமரசம் செய்தனா்.
மேலும், ஆரணி நகர காவல் நிலையத்தை கட்சியினா் முற்றுகையிட்டனா். அங்கும் போலீஸாா் குவிக்கப்பட்டு அவா்களிடம் சமரச பேச்சைவாா்த்தை நடத்தி அனுப்பி வைத்தனா்.
இதனால் பதற்றமான சூழல் நிலவுகிறது காவல் நிலையம் அருகே 100-க்கும் மேற்பட்ட போலீஸாா் குவிக்கப்பட்டு பாதுகாப்புப் பணியில் ஈடுபட்டு வருகின்றனா்.
