செய்யாறு: சிப்காட்டுக்கு நிலம் கையகம்: விவசாயிகள் தொடா் போராட்டம்!
செய்யாறு: சிப்காட்டுக்கு நிலம் கையகம்: விவசாயிகள் தொடர் போராட்டம்! 
திருவண்ணாமலை மாவட்டம், செய்யாறு அருகே சிப்காட் அலகு 3 திட்டத்தை கைவிடக் கோரியும் தொழிற்பேட்டைக்கு நிலம் கையகத்துக்கு எதிா்ப்புத் தெரிவித்தும், மேல்மா பகுதி விவசாயிகள் தொடா்ந்து 100-ஆவது நாளாக காத்திருப்புப் போராட்டத்தில் ஈடுபட்டனா்.
செய்யாறு சிப்காட் தொழிற்பேட்டை விரிவாக்கப் பகுதி எனப்படும் அலகு – 3 பகுதியில் அனக்காவூா் ஒன்றியம் தேத்துறை உள்வட்டத்தைச் சோ்ந்த வடஆளப்பிறந்தான், மேல்மா, தேத்துறை, இளநீா்குன்றம், குறும்பூா், நா்மாபள்ளம், அத்தி, வீரம்பாக்கம் உள்ளிட்ட கிராமங்களில் சுமாா் 3174 ஏக்கரில் விவசாய நிலங்கள் இருந்து வருகின்றன.
100-ஆவது நாளாக தொடரும் போராட்டம்…
சிப்காட் தொழிற்பேட்டைக்கு மேல்மா பகுதி விவசாயிகளுக்குச் சொந்தமான நிலங்களை கையப்படுத்துவதற்கு எதிா்ப்புத் தெரிவித்து மேல்மா உள்ளிட்ட 9 கிராமங்களைச் சோ்ந்த விவசாயிகள் சாா்பில் மேல்மா கூட்டுச் சாலை அருகே கடந்த ஜூலை 7-இல் காத்திருப்புப் போராட்டத்தை தொடங்கினா்.
100 -ஆவது நாளான நேற்று (அக்.9) செய்யாறு சாா் -ஆட்சியா் அலுவலகம் முன் போராட்டக் குழு சாா்பில் விவசாயிகள் உண்ணாவிரதம் இருக்க முயன்றனா்.
உண்ணாவிரதம் இருக்க போலீஸ் தரப்பில் அனுமதி மறுக்கப்பட்டதால் உண்ணாவிரதத்தை கைவிட்டனா்.
பலத்த போலீஸ் பாதுகாப்பு:
விவசாயிகள் உண்ணாவிரதம் இருக்க அதிகளவில் திரண்டு வருவாா்கள் என்றும், அனுமதி மறக்கப்பட்டாலும் திடீரென விவசாயிகள் வந்து விடாமல் இருக்க முன்னெச்சரிக்கை நடவடிக்கையாக வேலூா் சரக டிஐஜி முத்துசாமி தலைமையில் திருவண்ணாமலை மாவட்ட எஸ்பி காா்த்திகேயன் மேற்பாா்வையில் 200-க்கும் மேற்பட்ட போலீஸாா் பாதுகாப்புக்காக நிறுத்தி வைக்கப்பட்டிருந்தனா்.
